Ata o 2 de setembro!!
Dende Ecoloxistas Galiza Atlántica e Verde presentamos alegacións ao proxecto mineiro en Doade (concellos de Beariz, Avión e A Lama), por consideralo unha ameaza grave e inasumible para o territorio, a saúde das persoas e o futuro da comarca.
Por que nos opoñemos?
Rechazo veciñal: A comunidade de montes de Doade rexeitou expresamente a mina, polo que a súa ocupación vulnera a Lei de Montes de Galicia.
Impacto na auga: Prevese a captación masiva de augas subterráneas, poñendo en risco o abastecemento das aldeas e a calidade das augas do Porto de Antas, río Doade, Avia e Miño. Isto vulnera a Directiva Marco da Auga e a lexislación estatal.
Biodiversidade e Rede Natura 2000: O proxecto afecta hábitats prioritarios e especies protexidas, así como a conectividade ecolóxica das serras do Suído, Cando e Candán.
Falta de rigor técnico: O estudo presentado carece de análises hidroxeolóxicas, minimiza impactos acumulativos e propón tecnoloxías experimentais sen viabilidade demostrada.
Riscos ambientais graves: Non contempla tratamento axeitado das augas contaminadas, poderíanse verter substancias tóxicas en espazos declarados de interese ambiental.
Vulneración de dereitos: A cidadanía non tivo acceso completo á información ambiental, incumpríndose o Convenio de Aarhus, e realizáronse prácticas sociais pouco éticas para dividir á veciñanza.
Que pedimos?
Solicitamos que a Xunta de Galicia dite Declaración de Impacto Ambiental negativa e denegue definitivamente a mina de Doade. Defendemos un modelo de futuro baseado na protección da auga, da biodiversidade e da vida rural fronte a proxectos especulativos e destructivos.
