Dende a Asociación vimos de denunciar ante o xulgado, polo posible dano ambiental, á instalación da pasarela para baño no río Miño.
O Concello de Lugo está a proceder á instalación dunha pasarela temporal no río Miño para permitir o baño na devandita zona durante un período de 15 días. Sobre este particular o Comité Español do Programa Persoa e Biosfera, dependente do Miteco, emitiu en setembro do 2023 un informe indicando que as actuacións previstas poderían provocar unha grave afección sobre o tramo fluvial e especialmente sobre a comunidade de bivalvos acuáticos que nela viven, informe científico que parece non se está tendo en consideración.
A zona afectada pola pasarela atópase dentro da Reserva da Biosfera Terra do Miño, e na sua zona núcleo. A Lexislación estatal (Lei 42/2007) e autonómica considera ás Reservas da Biosfera como Areas Protexidas por Instrumentos Internacionais, cuxa zona núcleo, debe estar destinada exclusivamente á conservación da biodiversidade. O tramo afectado está en contacto co corredor fluvial do Parga-Ladra-Tamoga, espazo integrado na Rede Natura 2000 (Zona Especial de Conservación).
Ademais o tramo afectado atopase dentro da zona de Protección de Augas Minerais e Termais do Miño. A instalación da pasarela implica o desprazamento e manipulación de mexillóns de río (Unio timidus), unha especie incluida no Catálogo Galego de Especies Ameazadas na categoría de “vulnerábel”. Sendo, en consecuencia, unha especie protexida que debería ser conservada no seu hábitat e no seu biotopo natural, e non desplazada para a realización de actividades que poden ser levadas a cabo noutros tramos fluviais ou nunha piscina pública como ocorre na maioría dos concellos da provincia de Lugo.
Na información incluída no expediente non existe un informe técnico realizado pola Administración ambiental ou por un centro de investigación especializado e de recoñecida solvencia no ámbito da biodiversdiad que xustifique o desplazamento dunha especie protexida do seu hábitat natural, e menos aínda, que valore adecuadamente os riscos deste traslado.
Sobre este asunto o único informe oficial é o do Comité Español do Programa MAB que desaconsella a actuación, indicando que se debe asegurar o mantemento da especie no seu hábitat natural. O resto dos informes que forman parte do expediente están redactados por unha empresa privada que é a mesma que a adxudicataria do contrato para levar a cabo o seu desprazamento e o seu seguimento. Esta condición determinan a nula validez dos devanditos informes.
Aínda que parece que o Concello conta cos permisos necesarios dá CHMS, así como cremos tamén que dispón do dás autoridades competentes en materia de Medio Ambiente dá Xunta de Galicia, consideramos que estes non se axustan á lei, ao realizarse sen unha oportuna avaliación ambiental, máis aínda cando a CHMS está a realizar no mesmo tramo dúas actuacións similares (Zona de Baño – Caneiro do Muíño) que incrementan os efectos negativos sobre a especie protexida.
Vulnérase ademais o carácter de zona núcleo da Reserva de Biosfera que posúe o tramo. E vulnérase o status legal de protección dunha especie “Vulnerable”, cuxa normativa non contempla este tipo de actuacións, que polo consecuente, resultan absolutamente desproporcionadas e inxustificadas, polo enorme impacto ambiental que producen, e polos danos irrecuperables que afectan o estado de conservación dunha especie protexida.
Informe oficial do Comité Español do Programa MAB
