poñemos á disposición da veciñanza un modelo de alegacións contra o proxecto da planta de biogás da Laracha, para facilitar a participación cidadá neste proceso.
📄 Xa podes descargalo en formato editable e listo para presentar:
⚠️ PRAZO DE PRESENTACIÓN
📅 O prazo para presentar alegacións está aberto ata o 25 de maio de 2026.
É fundamental que o maior número de persoas posibles presente alegacións. Cada escrito conta.
🧾 QUE INCLÚE O MODELO?
O documento recolle, entre outros aspectos clave:
- Os riscos para a saúde pública e o incremento de enfermidades asociadas
- A contaminación do aire, das augas e dos solos
- A xeración de cheiros intensos e persistentes
- O impacto sobre o río Anllóns e os ecosistemas
- A proximidade a vivendas (mesmo a pouco máis de 300 metros)
- As deficiencias graves do Estudo de Impacto Ambiental
- A afección ao patrimonio cultural e ao medio rural
- A incompatibilidade coa normativa ambiental e urbanística vixente
Todo isto co obxectivo de solicitar unha Declaración de Impacto Ambiental desfavorable e a denegación da autorización do proxecto.
✊ PARTICIPA E DEFENDE O TEU TERRITORIO
Estamos nun momento clave. A fase de exposición pública é a oportunidade para que a veciñanza se faga escoitar.
👉 Presentar alegacións é un dereito.
👉 Tamén é unha responsabilidade colectiva.
Dende a asociación estamos traballando en alegacións máis completas, que tamén difundiremos en canto estean rematadas.
📩 AXUDA E DÚBIDAS
Se precisas axuda para cubrir ou presentar o documento, non dubides en contactar connosco.
A Laracha non é un vertedoiro industrial.
Defendamos a nosa saúde, a nosa terra e o noso futuro.